जालना: शहागड येथील चेकपोस्टला 1 लाख 88 हजाराची रोकड पकडली

शहागड : शहागड येथील संत एकनाथ चौक पैठण फाटा येथे विधानसभा निवडणूक 2024 साठी आचारसंहिता पालन करण्यासाठी स्थिर पथक चेकपोस्टला तैनात आहे. या अनुषंगाने राष्ट्रीय महामार्ग 52 वरील सर्व गाड्यांची तपासणी ते करीत आहेत. अशाच एका गाडीची तपासणी करीत असताना त्यांनी एसएसटी पाँईट नाकबंदी दरम्यान 1,88,000 (एक लाख 88 हजार) रुपयाची रोकड पकडली आहे.

ही रक्कम टाटा कंपनीची कार क्र एम.एच‌.01-सी.आर.126 या वाहनातून मंदार रावसाहेब वरपे रा. आळेफाटा ता. जुन्नर जि. पुणे यांच्याकडून जप्त करण्यात आलेली आहे. एफएसटी पथकाला बोलवून पुढील कारवाईसाठी रक्कम त्यांच्या ताब्यात दिलेली आहे. ही कारवाई करताना सहाय्यक पोलीस निरीक्षक आशिष खांडेकर,स्थिर पथक प्रमुख वैष्णव, ग्रामविकास अधिकारी सुरेशराव धोत्रे,उपनिरीक्षक इब्राहिम शेख, जमादार केंद्रे, पो.काॅ.फोके, पोलीस कर्मचारी, चेकपोस्ट कर्मचारी याठिकाणी उपस्थित होते.