तुझा मर्डर आज फिक्स आहे; सुहास कांदे यांची समीर भुजबळ यांना धमकी, नांदगावमध्ये मोठा राडा

महाराष्ट्रात विधानसभा निवडणुकीसाठी मतदान सुरू असतानाच नाशिकमधील नांदगावमध्ये मोठा राडा झाला आहे. मिंधे गटाचे उमेदवार सुहास कांदे आणि अपक्ष उमेदवार समीर भुजबळ यांच्या समर्थकांमध्ये बाचाबाची झाली. दोन्ही कार्यकर्ते आमनेसामने आल्याने मोठा गोंधळ उडाला. यावेळी कार्यकर्त्यांमध्ये धक्काबुक्की आणि हाणामारीही झाली.

सुहासे कांदे यांनी त्यांच्या कॉलेजवर ऊसतोड मजुरांना डांबून ठेवले होते. या मजुरांना कांदे यांच्याकडून पैशांचे वाटपही होत असल्याची माहिती मिळाल्यानंतर समीर भुजबळ आणि त्यांच्या कार्यकर्त्यांनी तिथे रेड टाकली. समीर भुजबळ यांनी रेड करत सर्व लोकांना पकडले. याची माहिती मिळताच सुहास कांदे यांनी घटनास्थळी येऊन समीर भुजबळ यांना तुझा खून करून टाकेन, तुझा मर्डर आज फिक्स आहे अशी धमकी दिली. एवढेच नाही तर पोलिसांनाही अरेरावी केली. चे व्हिडीओही सोशल मीडियावर व्हायरल झाले आहेत.