पंढरीत 65 एकरावर 165 दिंड्यांची नोंदणी:20 राहुट्या उभारल्या, 450 फ्लॉट्स उपलब्ध

माघ यात्रेत येणाऱ्या दिंड्यांसाठी भक्तीसागर (६५ एकर) येथे जागा उपलब्ध करून देण्यात आलेली आहे. या ठिकाणी मोफत प्लॉट्स भाविकांना तंबू, राहुट्या उभारून वास्तव्य करण्यासाठी देण्यात येत असून, पालखी, दिंडीधारकांसाठी प्लॉटसची नोंदणी सुरू आहे. मंगळवारपर्यंत १६५ दिंड्यांची नोंदणी करण्यात आली असल्याची माहिती प्रांताधिकारी सचिन इथापे यांनी केले आले आहे. माघ यात्रेला येणाऱ्या पालख्या, दिंड्यांमधील भाविकांच्या निवाऱ्याची सोय भक्तिसागर (६५ एकर) येथे करण्यात आलेली आहे. या ठिकाणी भाविकांना निवाऱ्यासोबत पिण्याचे शुद्ध पाणी, शौचालय, वीज कनेक्शन, अन्नपदार्थ शिजवण्यासाठी गॅस वितरण, पोलीस संरक्षण, प्रथमोपचार केंद्र आदी सुविधा या ठिकाणी दिल्या जातात. या ठिकाणी ४५० प्लॉट्स आहेत. भाविकांनी आपत्कालीन स्थितीत येथे करा संपर्क दिंडी, पालखी समवेत येणाऱ्या भाविकांना ६५एकर येथे प्लॉट्सचे वाटप सुरु आहे. ठिकाणी भाविकांना मुलभूत सेवासुविधा पुरवण्यात येणार आहेत. आपत्कालीन प्रतिसाद केंद्रातून भाविकांना सेवा देण्यात येणार आहे. यासाठी नायब तहसीलदार विजय जाधव (८२७५ २०२१५५), सुधाकर धाईंजे (९७६७२४८२१०), तसेच सहाय्यक प्रमोद खंडागळे (९६५७२९०४०३) यांच्याकडे संपर्क साधावा, असे आवाहनही प्रांताधिकारी इथापे यांनी केले आहे.