पक्षाच्या शिबिराला आलोय, कुणा व्यक्तीच्या नव्हे! नाराज भुजबळांची शिर्डीतील अधिवेशनाला हजेरी, मुंडेंची दांडी

महायुती सरकारच्या मंत्रिमंडळात स्थान मिळाले नसल्याने अजित पवार गटाचे ज्येष्ठ नेते अजित पवार नाराज आहेत. अनेकदा त्यांनी उघडपणे आपली नाराजी व्यक्त केली. त्यामुळे विधानसभा निवडणुकीनंतर पहिल्यांचा होत असलेल्या अजित पवार गटाच्या शिर्डीतील अधिवेशनाला भुजबळ हजर राहणार का याकडे सर्वांच्या नजरा होता. अखेर नाराज भुजबळांची पावले शिर्डीकडे वळली. मात्र माध्यमांशी बोलताना त्यांच्या मनातील नाराजी काही लपून राहिली नाही.

हे पक्षाचे शिबिर असून कुणा एका व्यक्तीचे नव्हे, असे म्हणत भुजबळ यांनी अजित पवार यांच्यावरील नाराजीही अप्रत्यक्षपणे व्यक्ती केली. विशेष म्हणजे माध्यमांशी बोलताना त्यांनी अजितदादांचा उल्लेखही टाळला.

खासदार प्रफुल्ल पटेल हे गुरुवारी येऊन बसले होते आणि प्रदेशाध्यक्ष सुनील तटकरे यांनीही अधिवेशनाला येण्याची विनंती केली. त्यामुळे मी अधिवेशनाला उपस्थित राहिले. आलो असलो तरी अधिवेशनात पूर्ण वेळ थांबणार नाही. थोडावेळ थांबून परत जाणार असल्याचेही भुजबळ यांनी सांगितले.