बचतगटाच्या माध्यमातून महिलांचे हात बळकट करण्यासाठी भुजबळ आग्रही:जातेगावच्या बचतगट‎ मेळाव्यास प्रतिसाद‎

महिला समस्यांची जाण फार कमी जणांना आहे. हे प्रश्न सोडवण्यासाठी आणि बचतगटाच्या माध्यमातून महिलांचे हात बळकट करण्यासाठी माजी खासदार समीर भुजबळ आग्रही आहेत. बचतगट सक्षम करतानाच महिलांना विविध प्रशिक्षण देण्याची त्यांची तयारी आहे. त्यामुळे यंदा समीर भुजबळच विकास करू शकतील, असा विश्वास महिलांनी व्यक्त केला. नांदगाव येथील दहेगावरोडवरील तुळजा लॉन्स येथे जातेगाव व साकोरा गट तर नस्तनपूर येथे न्यायडोंगरी गटाचा महिला बचतगट मेळावा पार पडला. डॉ. शेफाली भुजबळ, अभिनेत्री सोनाली पाटील यांनी मार्गदर्शन केले. यावेळी अपर्णा देशमुख, विजय पाटील, प्रताप गरुड, विनोद शेलार, प्रसाद सोनवणे, गोरख जाधव, शिवाजी जाधव, पंढरीनाथ गायकवाड, अमित पाटील, सोपानराव पवार यांच्यासह अनेक मान्यवर उपस्थित होते. मनमाडला आज महिला मेळावा रविवारी अभिनेत्री जान्हवी किल्लेकर यांच्या उपस्थितीत मनमाडमधील चांदवडरोडवरील मातोश्री लॉन्स येथे महिला बचतगट मेळावा होणार आहे.