बहि‍णींचे ‘लाड’ पुरवण्यासाठी सरकार भुकेलेल्यांचा घास हिरावणार; शिवभोजन थाळी, आनंदाचा शिधा योजनेला कात्री लावणार

महायुती सरकारने विधानसभा निवडणुकीपूर्वी महिलांची मते मिळवण्यासाठी घाईघाईत लाडकी बहीण योजना जाहीर केली होती. कोणतेही निकष न लावता केवळ मतांसाठी आणलेल्या या योजनेमुळे राज्याच्या तिजोरीत खडखडाट झाला आहे. आर्थिक संकटात सापडलेल्या सरकारने आता लाडक्या बहिणींचे लाड पुरवण्यासाठी भुकेलेल्यांचा घास हिरावण्याची तयारी सुरू आहे. महाविकास आघाडी सरकारच्या काळात तत्कालीन मुख्यमंत्री उद्धव ठाकरे यांच्या प्रेरणेतून सुरू करण्यात आलेली शिवभोजन थाळी आणि मिंधे सरकारच्या काळात सुरू करण्यात आलेली आनंदाचा शिधा योजनेला कात्री लावण्याच्या हालचाली सरकार दरबारी सुरू आहेत, असे वृत्त ‘द इंडियन एक्सप्रेस’ने दिली आहे.