बेळगाव : दुकानाला आग, 5 लाखांचे नुकसान

संबरगी : आढळी (ता. अथणी) येथे सदाशिव सूर्यवंशी यांच्या दुकानाला सकाळी आग लागून सुमोर पाच लाख रूपयांचे नुकसान झाले. या घटनेत एकजण जखमी झाला असून संपूर्ण दुकान जळून खाक झाले आहे. सकाळी नऊ वाजता ही घटना घडली.

याबाबत समजलेली माहिती अशी, सदाशिव सूर्यवंशी यांनी दुकान नेहमीप्रमाणे सुरू करून बाहेर गेल्यानंतर शॉर्टसर्किट होऊन दुकानातून धूर येऊ लागला. लागलीच आगीने रौद्ररूप धारण केले. आगीमध्ये संपूर्ण दुकान जळून खाक झाले असून प्रीतम संजय कांबळे (वय 15) हा मुलगा गंभीर जखमी झाला आहे. त्याला अथणी येथील सरकारी दवाखान्यात दाखल करण्यात आले आहे. अथणी येथील अग्निशामक दलाने त्वरित धाव घेऊन आग आटोक्यात आणली. याबाबत ऐगळी पोलिस ठाण्यात नोंद झाली आहे.