शेतकऱ्यावर हल्ला करून पळालेल्या बिबट्याला वाहनाची धडक:जागीच ठार, पुणे-पंढरपूर रस्त्यावर‎दसूरपाटीजवळ अपघात‎

माळशिरस तालुक्यातील दसूरपाटी याठिकाणी एका व्यक्तीवर हल्ला करून पुढे निघालेल्या बिबट्याचा पुणे-पंढरपूर महामार्गावर अज्ञात वाहनाच्या धडकेत सुमारे साडेतीन वर्षे वयाच्या नर जातीच्या बिबट्याचा जागीच मृत्यू झाला. मंगळवारी रात्री आठ वाजेच्या सुमारास हा प्रकार घडला असून, मृत बिबट्यास माळशिरस वन विभागाच्या अधिकाऱ्यांनी ताब्यात घेतले. बुधवारी त्याचे शव विच्छेदन करण्यात येणार आहे, असे वन अधिकारी राजेंद्र आटोळे, शंकर करे यांनी सांगितले. मंगळवारी रात्री आठच्या सुमारास दसूरपाटीहून निघालेल्या बिबट्याने वाटेत आलेल्या चंद्रसेन रणवरे या शेतकऱ्यावर हल्ला केला. यांच्या पायाला पाच दात लागले आहेत.तेथून महामार्ग ओलांडत असताना अज्ञात वाहनाने धडक दिल्याने तो ठार झाला . बिबट्याच्या अपघाताची जिल्ह्यातील दुसरी घटना तीन वर्षांपूर्वी २०२२ मध्ये टेंभुर्णीजवळील भीमानगर येथे अज्ञात वाहनाच्या धडकेत बिबट्या ठार झाला होता. ही जिल्ह्यातील दुसरी घटना आहे, ज्यात बिबट्या ठार झाला आहे.