संत परंपरेपासून ते सामाजिक,देशभक्ती अन् कृषी संस्कृतीचा मामांच्या मिरवणुकीतून जागर:विद्यार्थी, युवकांसह शिक्षक सहभागी‎

छत्रपती शिवाजी महाराज,कर्मवीर भाऊराव पाटील, क्रांतीसिंह नाना पाटील यांच्या कार्याची प्रेरणा घेऊन बार्शीसारख्या ग्रामीण भागात आपल्या काही निवडक सहकाऱ्यांना सोबत घेऊन कर्मवीर डॉ. मामासाहेब जगदाळे यांनी शैक्षणिक क्षेत्रात फार मोठी क्रांती निर्माण केली. मामांच्या असीम त्यागामुळेच शैक्षणिक क्षेत्रात बार्शीचे नाव महाराष्ट्राच्या नकाशावर सोनेरी अक्षराने कोरले गेलेले आहे, असे प्रतिपादन वृक्षमित्र सुनील फल्ले यांनी येथे केले. येथील कर्मवीर सार्वजनिक ग्रंथालयामध्ये बार्शी तालुक्यात शिक्षणाची गंगा घरोघरी पोहोचवणारे थोर शिक्षणमहर्षी कर्मवीर डॉ.मामासाहेब जगदाळे यांची जयंती उत्साहात साजरी करण्यात आली. त्यावेळी ते प्रमुख पाहुणे म्हणून बोलत होते. अध्यक्षपदी ग्रंथालयाचे कार्यवाह मधुकांत ठोकळ हे होते. या वेळी ग्रंथालयाचे उपाध्यक्ष धैर्यशील देशमुख, सुहास सुतार, चंद्रकांत वडेकर, सतीश पाचकुडवे आदी मान्यवर व्यासपीठावर उपस्थित होते. ग्रंथपाल विनोद गायकवाड यांनी सूत्रसंचालन व्यक्त केले. कार्यक्रम उत्साहात पार पडला. प्रतिनिधी | बार्शी डॉ. मामासाहेब जगदाळे यांच्या जयंतीनिमित्त बार्शीत श्री शिवाजी शिक्षण संस्थेअंतर्गत येणाऱ्या शाळा, महाविद्यालयातील विद्यार्थ्यांनी काढलेल्या मिरवणुकीत संत परंपरेपासून ऐतिहासिक, सामाजिक, देशभक्तीपर अन् कृषी संस्कृतीचा जागर करण्यात आला. मंगळवारी (दि. ४) काढण्यात आलेल्या मिरवणुकीत प्रबोधनपर देखाव्यांच्या चित्ररथांनी नागरिकांचे लक्ष वेधून घेतले. या मिरवणुकीत ट्रॅक्टरवर आरूढ कर्मवीरांच्या भव्य पूर्णाकृती पुतळ्याने मिरवणुकीत लक्ष वेधून घेतले. या मिरवणुकीत संस्थेच्या बार्शी शहरातील विविध शाखांमधील विद्यार्थी, शिक्षक, सहभागी झाले होते. सकाळी आठ वाजता संस्थेच्या प्रांगणातील कर्मवीर डॉ. मामासाहेब जगदाळे व त्यांच्या सहधर्मचारिणी लक्ष्मी मामी यांच्या पुतळ्यांना पोलिस निरीक्षक बालाजी कुकडे यांच्या हस्ते पुष्पहार अर्पण करून मिरवणुकीस सुरुवात झाली.या वेळी संस्थेचे अध्यक्ष डॉ. बी. वाय. यादव, उपाध्यक्ष नंदकुमार जगदाळे, सचिव पी. टी. पाटील, सहसचिव अरुण देबडवार, खजिनदार जयकुमार शितोळे, ज्येष्ठ सदस्य डॉ. चंद्रकांत मोरे, शिवशक्ती बँकेचे चेअरमन डॉ. प्रकाश बुरगुटे, जगदाळे मामा हॉस्पिटलचे वैद्यकीय अधीक्षक डॉ. रामचंद्र जगताप यांच्यासह सर्व प्राचार्य, मातृभूमी प्रतिष्ठान रे आदी मान्यवर उपस्थित होते. या मिरवणुकीत ठिकठिकाणी सामाजिक संघटनांनी खाऊ व पाणी वाटप केले. आकर्षक वेशभूषा केलेली उत्साही विद्यार्थी, विद्यार्थिनी आणि त्यांचे कौतुक पाहणारे पालक, प्रोत्साहन व काळजी घेणारे शिक्षक आणि या सादरीकरणामुळे अभिमान व आनंद वाटणारे संस्था विश्वस्त, आणि रस्त्याच्या दुतर्फा नागरिक यामुळे ही मिरवणूक अतिशय रंगतदार झाली. शहरातील प्रमुख मार्गांवरून मिरवणूक निघाली. प्राथमिक गट : शिशू संस्कार केंद्र-प्रथम, महात्मा फुले विद्यामंदिर-द्वितीय, जिजामाता प्राथमिक विद्यामंदिर-तृतीय. माध्यमिक गट : महाराष्ट्र माध्यमिक विद्यालय-प्रथम, जिजामाता कन्या प्रशाला-द्वितीय. उच्च माध्यमिक गट- शंकरराव निंबाळकर अध्यापक विद्यालय प्रथम, कृषी तंत्र विद्यालय-द्वितीय. महाविद्यालयीन गट : बीपी सुलाखे कॉमर्स कॉलेज-प्रथम, शिक्षण शास्त्र महाविद्यालय द्वितीय, तर श्री शिवाजी महाविद्यालय तृतीय क्रमांक. तसेच विशेष प्रावीण्य सन्मान कर्मवीर डॉ. मामासाहेब जगदाळे कृषी महाविद्यालयास दिला.