सांगली : दारू पिण्यासाठी पैसे न दिल्याने ब्लेडने हल्ला

2 hours ago 1

मिरज : मालगाव (ता. मिरज) येथे दारू पिण्यासाठी पैसे न दिल्याच्या रागातून एकावर ब्लेडने हल्ला करण्यात आला. याप्रकरणी गौस बाबासाहेब मुजावर हे जखमी झाले आहेत. तर ब्लेडने हल्ला करणार्‍याला देखील बेदम चोप देण्यात आला. त्यामुळे पोलिसांत परस्परविरोधी फिर्याद देण्यात आली आहे.

याप्रकरणी गौस बाबासाहेब मुजावर यांनी बहादूर चाँद देसाई (रा. मालगाव) याच्याविरुद्ध तर इम्तियाज बहादूर देसाई यांनी गौस बाबासाहेब मुजावर, राजू बाबासाहेब मुजावर, आयान राजू मुजावर (सर्व रा. मालगाव, ता. मिरज) यांच्याविरुद्ध फिर्याद दाखल केली आहे.

गौस मुजावर हे मालगावमधील शिवाजी चौक येथून कामासाठी निघाले होते. त्यावेळी बहादूर देसाई हा त्या ठिकाणी आला. त्याने गौस मुजावर यांच्याकडे दारू पिण्यासाठी पैशाची मागणी केली. गौस यांनी पैसे देण्यास नकार दिला. त्यामुळे बहादूर याने गौस यांच्या मानेवर, गालावर आणि हातावर ब्लेडने हल्ला करून गंभीर जखमी केले. तर यावेळी बहादूर याला गौस, राजू आणि आयान या तिघांनी काठी आणि लाथाबुक्क्यांनी मारहाण केली.

याप्रकरणी परस्परविरोधी फिर्याद दाखल झाल्याने पोलिसांनी चौघांविरुद्ध गुन्हा दाखल केला आहे. मिरज ग्रामीण पोलिस याबाबत अधिक तपास करीत आहेत.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article