सांदिपनी आश्रमात मुलींना स्वेटर वाटप करून वाढदिवस साजरा, लायन्स क्लबचे योगेश कोळपकर यांचा उपक्रम

लायन्स क्लब ऑफ संगमनेरच्या वतीने संदिपानी ऋषी बालिकाश्रमातील मुलींना जर्किन्सचे वितरण करण्यात आल्याची माहिती क्लब अध्यक्षा राखी करवा यांनी दिली. लायन्स क्लब ऑफ संगमनेर हे या वर्षी हॅपी फेस हा प्रोग्रॅम संदिपानी ऋषी बालिका आश्रम येथे राबवत आहे. या अंतर्गत आश्रमातील मुलींना स्वेटर्स वाटण्याचा कार्यक्रम घेण्यात आला. क्लबचे माजी खजिनदार योगेश कोळपकर यांनी त्यांच्या वाढदिवसानिमित्त जर्किन्सचा पुरवठा केला. जर्किन्स वितरण सोहळ्यास संदिपानी ऋषी बालिका आश्रमाचे संस्थापक राष्ट्रपती आदर्श शिक्षक पुरष्काराने सन्मानित सोमनाथ कळसकर, सेवानिवृत्त प्राचार्य ज्ञानेश्वर गोंटे, वृक्षमित्र परिवाराचे गणेशलाल बाहेती प्रमुख पाहुणे म्हणून उपस्थित होते. लायन्स क्लबच्या अध्यक्षा राखी करवा कार्यक्रमाच्या अध्यक्षस्थानी होत्या. सर्वप्रथम योगेश यांचे औक्षण करून केक कापण्यात आला. त्यानंतर आश्रमातील ३३ मुलींना जर्किन्स वाटप करण्यात आले. आश्रमाचे संस्थापक सोमनाथ कळसकर यांनी लायन्स क्लब राबवत असलेल्या उपक्रमांचे कौतूक केले. तसेच योगेश कोळपकर व लायन्स क्लबचे आभार मानले. याप्रसंगी डॉ. राजन ठाकूर, मर्चंट बँकेचे माजी उपाध्यक्ष प्रकाश कलंत्री यांनी उपक्रमाचे स्वागत केले. श्रीनिवास पगडाल यांनी प्रास्ताविक केले. स्वेटर मिळाल्याने मुलींचे चेहरे आनंदाने हरखून गेले होते. डॉ. अभय चोरडिया, वासंती ठाकूर, सुनीता पगडाल, डॉ. रिया चोरडिया, पल्लवी कोळपकर उपस्थित होते.