انجی ریلوے پل کے قریب لینڈ سلائیڈنگ | ریلوے تعمیراتی ورکر ہلاک، دوسرا زخمی

2 hours ago 1

ایم ایم پرویز

رام بن//اتوار کو ریاسی ضلع کے روٹ کوٹ علاقے میں ادھم پور بارہمولہ پروجیکٹ کے انجی کیبل اسٹیڈ پل کے قریب مٹی کے تودے گرنے سے ایک ریلوے تعمیراتی کارکن ہلاک اور دوسرا زخمی ہوگیا۔پولیس ذرائع نے بتایا کہ لینڈ سلائیڈنگ کے واقعے میں ایک ریلوے کنسٹرکشن کمپنی کے کم از کم دو مزدور شدید زخمی ہوئے۔ دونوں کو کارکنوں اور مقامی لوگوں نے فوری طور پر ڈسٹرکٹ ہسپتال ریاسی منتقل کیا تاہم بعد میں ایک شدید زخمی کارکن ڈسٹرکٹ ہسپتال ریاسی میں زخموں کی تاب نہ لاتے ہوئے چل بسا۔پولیس نے مرنے والے مزدور کی شناخت انگریز سنگھ (48سال) ولد کرشن سنگھ ساکن گران موڑ، تحصیل اور ضلع ریاسی کے طور پر کی ہے۔انہوں نے زخمیوں کی شناخت 45سالہ ریاض احمدولد بشیر احمد ساکنہ نوج، مہور، ریاسی کے طور پر کی ہے جو ضلع اسپتال میں زیر علاج تھا۔سینئر سپرنٹنڈنٹ آف پولیس، (ایس ایس پی)، ریاسی، پرم ویر سنگھ نے واقعے کی تصدیق کی اور کہا کہ ایک مزدور انجی برج ریاسی پر مٹی کے تودے گرنے سے اس وقت ہلاک ہو گیا جب وہ ریلوے کی تعمیراتی کمپنی میں کام کر رہا تھا۔

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article