نوشہرہ حد متارکہ کے قریب والی بال ٹورنامنٹ منعقد

عظمیٰ نیوزسروس

راجوری//فوج نے راجوری ضلع میں لائن آف کنٹرول (ایل او سی) کے قریب لام پریمیئر لیگ والی بال ٹورنامنٹ کا انعقاد کیا۔یہ میگا اسپورٹس ایونٹ، اپنی نوعیت کا پہلاٹورنامنٹ ہے جس میں جموں و کشمیر بھر کی ٹیموں اور والی بال کے نامور اسپورٹس کلبوں کومدعو کیاگیا اور ان ٹیموں نے ایل او سی کے دیہاتوں میں مقابلہ کیا جس سے ایل او سی پر پاک فوج کی چوکیوں کے بالکل سامنے کھیلوںکا پیغام پھیلا۔ٹورنامنٹ نے کھلاڑیوں کو ایل او سی کے قریب مقابلہ کرنے کا ایک منفرد موقع فراہم کیا، جب کہ سرحدی علاقوں کے مقامی لوگوں نے پہلی بار اعلی توانائی والے کھیلوں کے ایونٹ کا مشاہدہ کیا۔فائنل تقریب، جس میں ہزاروں افراد نے شرکت کی، اسپیڈز ڈویژن کے جنرل آفیسر کمانڈنگ ایس، میجر جنرل کوشک مکھرجی اور ڈپٹی کمشنر راجوری، ابھیشیک شرما نے بطور مہمان خصوصی شرکت کی۔لام پریمیئر لیگ کو مقامی لوگوں اور کھلاڑیوں دونوں نے ایک ’سنہری ایونٹ‘ کے طور پر سراہا جنہوں نے کہا کہ ٹورنامنٹ نے نہ صرف کھیلوں اور ٹیم ورک کو فروغ دیا بلکہ کمیونٹی اور قومی فخر کے احساس کو بھی فروغ دیا۔ایک مقامی باشندے نے کہا کہ’’ اس تقریب نے ہمارے علاقے میں بے پناہ خوشی اور جوش پیدا کیا ہے‘۔انہوں نے کہاکہ ’ہم اس ٹورنامنٹ کے انعقاد اور اپنے نوجوانوں کو اپنی صلاحیتوں کا مظاہرہ کرنے کے لئے ایک پلیٹ فارم فراہم کرنے کے لئے ہندوستانی فوج کے شکر گزار ہیں‘‘۔لام پریمیئر لیگ نے لائن آف کنٹرول (ایل او سی) کے ساتھ والے علاقوں میں اتحاد، نظم و ضبط اور قومی فخر کو فروغ دیتے ہوئے خطے میں کھیلوں کے مقابلوں کے لئے ایک نیا معیار قائم کیا ہے۔