अकोट आगाराचे उत्पन्न घटले; विभागीय नियंत्रकांनी दिली भेट:अकोला मध्यवर्ती बसस्थानकावर ‘एन्ट्री'' नसल्याचा परिणाम‎

जुलै २०२४ पासून अकोला बस स्थानकाच्या नूतनीकरण सुरू झाल्यानंतर आज काम पूर्ण होऊनही सर्वाधिक फेऱ्या असलेल्या अकोट आगाराच्या बसेसला अकोला बस स्थानकाच्या प्लॅटफॉर्मवर एन्ट्री मिळत नसल्याने अकोट आगाराच्या बसेस जुन्या बस स्थानकावरून धावत आहे. अशातच खासगी बसेस मात्र, बसस्थानकापर्यंत प्रवाशांना सेवा देत असल्याने प्रवाशांनी एसटीच्या प्रवासाला नकार देत खासगी वाहनाने प्रवास करणे पसंत केले आहे. यामुळे अकोट आगाराच्या उत्पन्नात निम्म्याने घट झाली. विभागात अधिक महसूल देणारे हे आगार पिछाडीवर गेल्याने विभागीय नियंत्रक वर्धा यांच्यासह पथकाने ३१ जानेवारी २०२५ रोजी अकोट आगाराला भेट देत परिस्थिती जाणून घेतली आहे. अकोला विभागात सर्वाधिक उत्पन्न मिळवून देणारे आगार म्हणून अकोट चा नावलौकिक असायचा मात्र हेच आगार आता अकोट अकोला दरम्यान चालवल्या जाणाऱ्या फेरीमध्ये उत्पन्नाच्या बाबतीत निम्म्यावर आले आहे. दररोज १ लाख ते १.२५ लाख रु उत्पन्न मिळवून देणाऱ्या अकोट अकोला या मार्गावर आता जेमतेम ५५ ते ६० हजारांचे रुपये तिकीट खर्च निघत असल्याने अवघी यंत्रणा भांबावून गेली आहे.आणि याचे कारण अकोटमधून निघणाऱ्या आणि अकोला येथे पोहचणाऱ्या एसटी बसला काम पूर्ण होऊनही मध्यवर्ती बसस्थानकावर न थांबवता गावकुसाबाहेर म्हणजेच टॉवर चौकात थांबवल्याचा हा परिणाम असल्याचे संबंधित विभागाचे कर्मचारी सांगतात. अकोट अकोला डेमू ट्रेन सुरू असतानासुद्धा अकोट आगारातून दररोज ५० बसेसद्वारे अकोला मार्गावर वाहतूक केली जात होती. यानंतर काहीसा परिणाम अकोट आगाराच्या उत्पन्नावर जाणवला, मात्र रेल्वेच्या मर्यादित फेऱ्या असल्याने अकोट आगाराच्या वतीने फेऱ्यांच्या वेळांन मध्ये पुन्हा नियोजन करत उत्पन्न चा घटलेला टक्का जाग्यावर आणला होता. मात्र अशातच अकोला शहरातील मध्यवर्ती बस स्थानकाचे सिमेंट काँक्रीटीकरण आणि नूतनीकरणाचे काम जुलै २०२४ मध्ये सुरू केल्याने अकोट व तेल्हाराकडून येणाऱ्या बसेस या मध्यवर्ती स्थानकाएवजी टॉवर चौकातील जुन्या बस स्थानकापर्यंतच ठेवण्याचा निर्णय घेण्यात आला .या निर्णयाचा मोठा फटका अकोट आगाराच्या उत्पन्नाला बसला जुन्या बस स्थानकावर असलेल्या मूलभूत सुविधांचा अभाव, प्रवाशांना वाटतं असलेली असुरक्षितता पुढचा प्रवास करताना जुन्या बस स्थानकावरून नव्या बसस्थानकावर होत असलेली पायपीट या कारणामुळे प्रवाशांनी अकोट आगाराच्या बसेसकडे पाठ फिरवत खासगी वाहनाने प्रवास करणे पसंत केले आहे. मध्यवर्ती बस स्थानकाचे काम पूर्ण झालेले असताना वरिष्ठांच्या आडमुठेपणामुळे अकोट आगाराच्या बसेसला प्लॅटफॉर्म मिळत नसल्याचा फटका अकोट आगाराला बसत असून प्रवासी सुद्धा खासगी वाहनांकडे धाव घेत असल्याची परिस्थिती आहे. ^अकोला मध्यवर्ती बसस्थानकावरील अकोट प्लॅटफॉर्मवर सिमेंट काँक्रिटीकरणाचे काम झाले आहे. अकोट आगाराच्या बसेस या नव्या बस स्थानकावर आणू द्याव्यात याकरिता मी अकोला २ चे आगार प्रमुख आणि विभागीय नियंत्रक यांच्याकडे मागणी केली आहे. - अरविंद पिसोडे ,अकोट आगार व्यवस्थापक. ^जुन्या बस स्थानकावर त्या सुविधा नाही. जुन्या बस स्थानकावर रात्री प्रवास करताना महिला प्रवाशांना असुरक्षितता जाणवते. अशातच अकोला येथून पुढील मार्गावर प्रवास करताना पुन्हा पायपीट करत नवीन बस स्थानक गाठावे लागत आहे. - मंजूषा कराळे, महिला प्रवासी, अकोट गेल्या नऊ महिन्यापासून अकोट आगाराचा उत्पन्नात झालेली घट पाहता विभागीय नियंत्रक वर्धा आणि त्यांच्या पथकाने अकोट आगाराला भेट देत एकंदरीत परिस्थिती जाणून घेतली, अशी माहिती राज्य परिवहन महामंडळाच्या सूत्रांनी दिली. विभागीय नियंत्रकाचे पथक अकोटात नव्या बसस्थानकावर अकोट बसला एन्ट्री द्यावी