विशेष दक्षता आणि विहार : नेमके कारण शोधावे. थोडे औषधे देऊन उपशय, अनुपशय पाहावा. स्थौल्य, रक्तदाब, रक्तप्रमाण याची तपासणी व्हावी. उशी घेऊ नये.
पथ्य : पथ्यकर पालेभाज्या आणि फळ भाज्या, किमान तेल-तुपाचे पदार्थ, ताजे आणि माफक प्रमाणातील जेवण, मूग, जुना तांदूळ, दूध, तोडताक, अंजीर, मनुका.
कुपथ्य : क्षोभकारक, आंबवलेले, खूप तिखट, तूपकट, पदार्थ, चहा, धूम्रपान, मद्य.
योग आणि व्यायाम : शवासन, किमान सूर्यनमस्कार, सायंकाळी जेवणानंतर वीस मिनिटे फिरून येणे.
रुग्णालयीन उपचार : पायाखाली तीन-चार उशा घेऊन असे दीर्घकाळ झोपून राहावे.
चिकित्साकाल : दोन दिवस ते सात दिवस. डोके हलके झाले असल्यास शिरोबस्ती, शिरोधारा, शिरोपिचू करावा. ब्रेनट्यूमर असल्यास शस्त्रकर्मच करावे.
निसर्गोपचार : शतधौतघृत किंवा चांगले तूप, कपाळ, कानशिले, डोके, तळपाय यांना घासून लावावे.