जिल्ह्यातील 69 पाणी नमुन्यांमध्ये आरोग्यास नायट्रेट जास्त घातक:1 एप्रिल ते 31 डिसेंबर 2024 दरम्यान तपासले 825 नमूने

जिल्ह्यातील सातपैकी अकोला, मूर्तिजापूर आणि तेल्हारा या तीन तालुक्यांतील पाण्यात आरोग्यासाठी घातक असलेले नायट्रेटचे प्रमाण मर्यादेपक्षा अधिक प्रमाणात आढळले आहे. केंद्र शासनाने सादर केलेल्या भूजल गुणवत्ता सर्वेक्षण अहवालातून हे उघड झाले आहे. जिल्ह्यात १ एप्रिल २०२४ ते ३१ डिसेंबर २०२४ या कालावधीत तपासलेल्या ८२५ पाणी नमुन्यांपैकी ६९ नमुन्यात नायट्रेटचे प्रमाण अधिक आढळून आले आहे. जिल्ह्यातील सातपैकी तीन तालुक्यातील भूजलात विषारी पदार्थ मिसळलेले असल्याचे धक्कादायक वास्तव केंद्र सरकारच्या अहवालातून उघड झाले आहे. या तीनही तालुक्यात भूजलात नायट्रेट या विषारी रसायनाचे प्रमाण धोकादायक पात्रतेपेक्षा अधिक प्रमाणात आढळले असून ते आरोग्यासाठी घातक असल्याचे म्हटले आहे. जागतिक आरोग्य संघटना आणि भारतीय मानक ब्यूरो यांनी पिण्याच्या पाण्यातील नायट्रेटची मर्यादा ४५ मिलिग्रॅम प्रतिलिटर निश्चित केली आहे. मात्र जिल्ह्यांमध्ये पाण्यातील नायट्रेटचे प्रमाण ३ : ५ आढळले आहे. उर्वरित. पान ४ तालुका नमूने तपासले दूषित आढळले बाधित गावे अकोला १७३ ५४ ४३ २२ अकोला १७३ ५४ ४३ २२ तेल्हारा १०२ १५ १५ १० मूर्तिजापूर १४४ १२ ११ ०७ अकोट ११४ ०० ०० ०० बार्शीटाकळी ११६ ०० ०० ०० बा‌ळापूर ८७ ०० ०० ०० एकूण ८२५ ८१ ६९ ३९ अकोला तालुक्यात सर्वाधिक नमूने नायट्रेटने प्रभावित असल्याचे आढळून आले आहे. अकोला तालुक्यात २२ गावांतील ४३ पाणी नमुने नायट्रेट प्रभावित आढळले. तसेच एकूण तपासणी केलेल्या १७३ पैकी १८ जलनमुन्यात मयदिपेक्षा अधिक क्षाराचे प्रमाण आढळले आहे. त्याखालोखाल तेल्हारा तालुक्यात १० गावांतील १५ तर मूर्तिजापूर तालुक्यातील ७ गावांतील ११ जलनमुने नायट्रेट प्रभावित आढळले आहेत. नायट्रेटचे जास्त प्रमाण म्हणजे पाण्यात विषच एक लिटर पाण्यामध्ये ४५ मिली ग्रॅम पेक्षा अधिक मर्यादेत नायट्रेट हे शरीरासाठी विष असते. नायट्रेट हे एक विषारी रसायन असून त्यामुळे पोटाचा कर्करोग, जन्मजात व्यंग, न्यूरल ट्युब दोष, लहान मुलांमध्ये ब्ल्यू बेबी सिंड्रोम, मोठ्या माणसांमध्ये जीबीएस अर्थात गुवियन बॅरी सिंड्रोम सारख्या दूर्मिळ अशा आजारांची लागण होऊ शकते. त्यामुळे पिण्यासाठी वापरले जाणाऱ्या जलस्त्रोताची तपासणी करणे गरजेचे आहे,भूजल सर्वेक्षण आणि विकास यंत्रणेच्या सूत्रांनी सांगितले. जिल्ह्यातील नायट्रेटचे पाण्यातील प्रमाण अकोला तालुक्यामध्ये नायट्रेटचे प्रमाण जास्त