देवेंद्र फडणवीस लवकरच 'वर्षा' बंगल्यावर:महसूलमंत्री बावनकुळेंचे स्पष्टीकरण; मुख्यमंत्र्यांसाठी सर्व बंगले शुभ

नागपूर - मुख्यमंत्री एकनाथ शिंदे यांच्या नाराजीमुळे उपमुख्यमंत्री देवेंद्र फडणवीस 'वर्षा' बंगल्यावर जात नाहीत, अशा चर्चांना महसूलमंत्री चंद्रशेखर बावनकुळे यांनी पूर्णविराम दिला आहे. फडणवीस यांच्यासाठी कोणताही बंगला अशुभ नसून ते लवकरच 'वर्षा' बंगल्यावर जातील, असे त्यांनी स्पष्ट केले. २०१४ ते २०१९ या काळात फडणवीस 'वर्षा' बंगल्यावर राहिले होते. त्यामुळे तिथे न जाण्यामागे कोणतेही विशेष कारण नसल्याचे बावनकुळे यांनी सांगितले. तसेच, मुख्यमंत्री शिंदे यांच्या नाराजीच्या बातम्यांमध्ये तथ्य नसल्याचेही त्यांनी स्पष्ट केले. एखाद्या बैठकीला मुख्यमंत्री तर दुसऱ्या बैठकीला उपमुख्यमंत्री उपस्थित राहतात, तिघांनी एकाच वेळी एकत्र असावे असे कुठेही लिहिलेले नसल्याचे त्यांनी नमूद केले. शिंदे यांच्याकडे चार महत्त्वपूर्ण विभाग असून, बावनकुळे स्वतः दोन जिल्ह्यांचे पालकमंत्री आहेत. त्यामुळे प्रत्येक बैठकीला सर्वांनी उपस्थित राहणे आवश्यक नसल्याचेही त्यांनी स्पष्ट केले. दरम्यान, प्रफुल्ल पटेल आणि नाना पटोले यांनी शंकरपटाच्या कार्यक्रमात एकमेकांना दिलेल्या गळाभेटीबाबत बोलताना बावनकुळे म्हणाले की, गळाभेट घेणे ही महाराष्ट्राची संस्कृती आहे. राजकीय मतभेद निवडणुकीपुरते मर्यादित असून महाराष्ट्राची संस्कृती जपणे महत्त्वाचे असल्याचेही त्यांनी यावेळी नमूद केले.