धनंजय मुंडे यांनी चुकीचे केले असे न्यायालयाला आढळले नाही:वकिलांचे स्पष्टिकरण; देखभालीसाठी अंतरिम आदेश असल्याचा दावा

धनंजय मुंडे यांनी काहीही चुकीचे केले, असे न्यायालयाला आढळले नाही. न्यायालयाने दिलेले आदेश हे केवळ अंतिम देखभालीसाठी असल्याचा दावा धनंजय मुंडे यांचे वकील ॲड. गणेश कोल्हे यांनी केला आहे. न्यायालयाने केवळ अंतरिम आदेश हा पोटगी संदर्भात दिला आहे. वास्तविक करुणा शर्मा यांच्यासोबत आपण लिव्ह-इन मध्ये राहत होतो, हे धनंजय मुंडे यांनी आधीच मान्य केले असल्याचे कोल्हे यांनी म्हटले आहे. कौटुंबिक हिंसाचाराचा निष्कर्ष काढलेला नाही करुणा शर्मा आणि धनंजय मुंडे यांच्यातील व्यक्तिगत कौटुंबिक न्यायालयात सुरू असलेल्या खटल्याप्रकरणी न्यायालयाने कोणताही कौटुंबिक हिंसाचाराचा निष्कर्ष काढलेला नाही. मीडियाने जबाबदारीने आणि अचूक वृत्तांकन करावे, असे आवाहन मुंडे यांच्या वकिल सायली सावंत यांनी केले आहे. आजचा आदेश फक्त अंतिम देखभालीसाठी रक्कम देणे बाबत इतकाच आहे. जो केवळ आर्थिक निकष लक्षात घेऊन पारित केलेला आहे. कथित हिंसाचाराच्या कोणत्याही आरोपावर आधारित नाही. धनंजय मुंडे यांनी स्वतः ते शर्मा व मुले यांच्याबरोबर लिव्ह-ईन मध्ये असल्याबाबतची यापूर्वीच कबुली दिली आहे. तोच या आदेशाचा आधार असल्याचे त्यांनी म्हटले आहे. ॲड. गणेश कोल्हे म्हणाले की, आम्ही हे वृत्त अपडेट करत आहोत....