निपाणी : अपघातात कार व्यावसायिक ठार

निपाणी : निपाणी-मुरगूड मार्गावर देवचंद कॉलेजनजीक दुचाकी घसरून झालेल्या अपघातात कार व्यावसायिक ठार झाला. साताप्पा बाळू कांबळे (वय 29, रा. रासाई शेंडूर ता. निपाणी) असे मृताचे नाव आहे. हा अपघात मंगळवारी रात्री झाला. घटनेची नोंद शहर पोलिसांत झाली आहे.

साताप्पा हा मुरगूडहून निपाणीच्या दिशेने मंगळवारी रात्री दुचाकीवरून येत होता. तो देवचंद कॉलेजनजीक आला असता दुचाकी घसरून तो खाली कोसळला. मोठ्या प्रमाणात रक्तस्त्राव झाल्याने तो जागीच ठार झाला. या घटनेची माहिती मिळताच शहर पोलिस ठाण्याचे गुन्हे अन्वेषण विभागाचे उपनिरीक्षक ए. एच. अलकवाडी व त्यांच्या सहकार्‍यांनी घटनास्थळी पाहणी करून पंचनामा केला. त्याच्या पश्चात आई, वडील, बहीण असा परिवार आहे. घटनेची नोंद शहर पोलिसांत झाली आहे.