नैताळे येथील श्री मतोबा महाराज यात्रेत 12 लाख भाविकांचे दर्शन:तहसीलदारांसह गोपेगावच्या कावळे दाम्पत्यास महापूजेचा मान

निफाड तालुक्यातील नैताळे येथील श्री मतोबा महाराज यात्रोत्सवास सोमवारी (दि. १३ जानेवारी) मोठ्या उत्साहात प्रारंभ झाला होता. अखंड १७ दिवस सुरू असलेल्या यात्रोत्सवात २० कोटींवर उलाढाल व १२ लाखांवर भाविकांची मंदियाळी झाल्याचा अंदाज विश्वस्त मंडळाने केला. पौष पोर्णिमेस नैताळे येथील श्री मतोबा महाराज यात्रोत्सवास प्रारंभ झाला होता. महाराजांचा यात्रोत्सव काळात दररोज पहाटेपासूनच भाविक मोठ्या प्रमाणावर मंदिरात दर्शनास येत होते. सकाळी महापुजेसाठी रांगेत दर्शन घेत असताना गोपेगाव (ता. दिंडोरी) येथील भाविक जगन्नाथ शंकर कावळे व लक्ष्मीबाई कावळे यांना महापूजेचा मान मिळाला होता. यात्रोत्सवात कायदा व सुव्यस्थेचे पालन व शांततेचा भंग होऊ नये म्हणून निफाडचे पोलिस उपअधीक्षक नीलेश पालवे व पोलिस निरीक्षक गणेश गुरव यांच्या मार्गदर्शनाखाली पोलिसांतर्फे चोख बंदोबस्त ठेवण्यात आला होता. तालुका आरोग्य अधिकारी सुजित कोशिरे व नैताळे प्राथमिक आरोग्य केंद्राचे वैद्यकीय अधिकारी पुरुषोत्तम चारुडे यांनी भाविकांच्या आरोग्यसाठी काळजी घेतली. यात्रोत्सव सांगताप्रसंगी मान्यवरांच्या हस्ते महाआरती बुधवारी (दि.२९ ) सायंकाळी सात वाजेच्या महाआरतीने यात्रोत्सवाची सांगता करण्यात आली यावेळी निफाडचे तहसीलदार विशाल नाईकवाडे, नायब तहसीलदार राहुल मुळीक, सहाय्यक महसूल अधिकारी शरद घाडगे, डॉ. सुजित गुंजाळ, तलाठी शंकर खडांगळे या मान्यवरांसह व रांगेतील भाविक अशोक सार्जल, त्र्यंबक निकम, प्रशांत आरोटे, दीपक दरगोडे यांच्या हस्ते महाआरतीने सांगता झाली. पुजारी म्हणून हरी बोरगुडे, गणेश बोरगुडे, मारुती साळुंके, केशव बोरगुडे यांनी काम पाहिले.