परीक्षा केंद्रांवर हत्यारबंद बंदोबस्त द्या:अन्यथा आमचा संतोष देशमुख होईल, बारावीच्या परीक्षेपूर्वी उपप्राचार्यांना भीती

राज्यातील दहावी बारावी बोर्डाच्या परीक्षा आता अवघ्या काही दिवसांवर येऊन ठेपल्या आहेत. तसेच कॉपीमुक्त परीक्षेसाठी संवेदनशील परीक्षा केंद्रांवर ड्रोनद्वारे जिल्हा प्रशासनाचे लक्ष असणार आहे. अशी एकंदरीत सर्व तयारी प्रशासनाकडून करण्यात येत असतानाच एका महाविद्यालयाच्या उपप्रचार्यांनी हत्यारबंद पोलिस बंदोबस्त देण्याची मागणी केली आहे. अन्यथा आमचा संतोष देशमुख होईल, अशी भीती या उपप्राचार्यांनी व्यक्त केली आहे. परभणी येथील ज्ञानोपासक महाविद्यालयाचे उपप्राचार्य विजय घोडके यांनी आम्हाला कॉपीमुक्त अभियान राबवायचे आहे. केंडतर संचालक म्हणून ज्या सेंटरवर जायचे आहे, तिथे हत्यारबंद बंदोबस्त द्या, अन्यथा आमचा संतोष देशमुख होऊ शकतो, अशी भीती त्यांनी व्यक्त केली आहे. उपप्राचार्य विजय घोडके यांच्या या मागणीवरून परीक्षा केंद्रांवरील शिक्षक आणि केंद्र प्रमुखांवर मोठा दबाव असल्याचे दिसत आहे. परभणी, हिंगोली, बीड, जालना आणि संभाजीनगर या 5 जिल्हयानची बारावी परिसखानच्या केंद्र संचालकांची छत्रपती संभाजीनगर येथील विभागीय शिक्षण मंडळात बैठक पार पडली. या बैठकीत परभणीचे उपप्राचार्य विजय घोडके यांनी मंडळाच्या सचिव वैशाली जामदार यांच्यासमोर हा विषय मांडला होता. तसेच हत्यारबंद पोलिसांचा बंदोबस्त देण्यात यावा या मागणीने जोर धरला आहे. घोडके यांनी व्यक्त केलेल्या भीतीवरून कशी दहशत पसरवली जात आहे याचा अंदाज येऊ शकतो. दरम्यान, राज्य शासनाकडून कॉपीमुक्त अभियनासाठी परीक्षा केंद्रावर ड्रोन फिरवले जाणार आहेत. परीक्षा केंद्रावर नियुक्त केलेल्या केंद्रसंचालक, पर्यवेक्षक व परीक्षेशी संबंधीत घटकांची एफसीआरव्दारे म्हणजे फेस रिडींगद्वारे तपासणी करण्यात येणार आहे. या बोर्ड परीक्षेत कॉपीमुक्त अभियान यशस्वी करण्यासाठी बोर्डाकडून विशेष सूचना जारी करण्यात आल्या आहेत.