बार असोसिएशन अध्यक्षपदी ॲड. हेमसिंह मोहता विजयी:उपाध्यक्ष ॲड. वाघमारे, ॲड. सुनिता कपिले, सहसचिव रोकडे

अकोला बार असोसिएशनच्या अध्यक्षपदी ॲड. हेमसिंह मोतिसिंह मोहता हे विजयी झाले तर उपाध्यक्षपदी ॲड. संतोष वाघमारे, महिला उपाध्यक्षपदी ॲड. सुनिता कपिले तर सहसचिवपदी ॲड. प्रदीप रोकडे विजयी झाले. शनिवारी अकोला बार असोसिएशनची निवडणूक झाली. निवडणुकीनंतर मतमोजणी करुन निकाल घोषित केला. १३१८ वकिल मतदारांनी मतदानाचा हक्क बजावला. अध्यक्षपदाच्या शर्यतीत ॲड. दिलदार खान, ॲड. हेमसिंह मोहता, ॲड. रविकांत ठाकरे होते. तर उपाध्यक्षपदासाठी मिलिंद लहरिया, ॲड. सौरभ तेलगोटे व ॲड. संतोष वाघमारे, महिला उपाध्यक्षपदासाठी ॲड. संगीता गावंडे, ॲड. सुनिता कपिले, सहसचिव पदासाठी ॲड. साक्षी लढ्ढा, ॲड. प्रदीप रोकडे व ॲड. महेश शिंदे निवडणुकीच्या मैदानात होते. अध्यक्षपदासाठी उभे असलेल्या ॲड. दिलदार खान यांना ४८० मते, ॲड. हेमसिंह मोहता यांना ६४२ मते तर रविकांत ठाकरे यांना १९३ मते मिळाली. उपाध्यक्ष पदासाठी उभे असलेल्या ॲड. मिलिंद लहरिया यांना ५६८ मते, ॲड. सौरभ तेलगोटे यांना ९९ मते व संतोष वाघमारे यांना ६४२ मते मिळाली. महिला उपाध्यक्ष पदासाठी रिंगणात असलेल्या ॲड. संगीता गावंडे यांना ४०५ मते तर ॲड. सुनिता कपिले यांना ८९९ मते मिळाली. सहसचिव पदासाठी उभे असलेले ॲड. साक्षी लढ्ढा यांना २७३ मते, ॲड. प्रदीप रोकडे यांना ५७३ मते व ॲड. महेश शिंदे यांना ४६२ मते मिळाली. ॲड. हेमसिंह मोहता हे सलग दुसऱ्यांदा अकोला बार असोसिएशनच्या अध्यक्षपदी विजयी झाले आहेत. निवडणूक निर्णय अधिकारी म्हणून ॲड. यू.पी. नाईक तर सहायक निवडणूक निर्णय अधिकारी म्हणून ॲड. एस.एस. जोशी, ॲड. ए.जे. ठाकूर, ॲड. धीरज शुक्ला, ॲड. आशिष तिवारी होते. विजयी उमेदवारांची विजयी रॅली काढण्यात आली. यामध्ये वकिल मोठ्या संख्येने सहभागी झाले होते.