शालेय वक्तृत्व स्पर्धेत 48 शाळांतील एक हजारांहून अधिक विद्यार्थी सहभागी, रोटरी क्लब अहमदनगर मिडटाऊनच्या वतीने स्पर्धेचे आयोजन, विजेत्यांचा गौरव

रोटरी क्लब अहमदनगर मिडटाऊनच्या वतीने अहिल्यानगर शहरात आयोजित रोटरी मिडटाऊन शालेय वक्तृत्व करंडक स्पर्धेस जिल्ह्यातील ४८ शाळांतील हजारांहून अधिक विद्यार्थ्यांनी उत्स्फूर्त प्रतिसाद दिला. दोन फेऱ्यांमध्ये होणाऱ्या या स्पर्धेची प्राथमिक फेरीतील विजेत्यांमध्ये महाअंतिम फेरी घेण्यात आली. स्पर्धेचा पारितोषिक वितरण अभिनेते मोहिनीराज गटणे व साहित्यिक संजय कळमकर यांच्या हस्ते झाले. गटणे म्हणाले, की विद्यार्थ्यांमध्ये वैचारिक बदल होतील, असे चांगले विषय रोटरी मिटडाऊन वकृत्व करंडक स्पर्धेसाठी निवडण्यात आल्याने ही स्पर्धा विद्यार्थ्यांसाठी उपयुक्त ठरली. विद्यार्थ्यांनी कायम वत्कृत्व, कथाकथन यांसारख्या स्पर्धांमध्ये भाग घेत राहावे. या स्पर्धेतूनच तुम्ही पुढे चांगले कलाकार होऊन तुमचा व्यक्तिमत्व विकास होऊ शकतो. कळमकर यांनी मोबाईल व टीव्हीपासून काही काळ लांब राहून विद्यार्थ्यांना वाचन व मनन करायला लावणारी वत्कृत्व स्पर्धा असल्याचे सांगितले. सूत्रसंचालन डॉ. प्रसाद उबाळे यांनी केले. रोटरी क्लबचे माजी अध्यक्ष क्षितिज झावरे यांनी पाहुण्यांचा परिचय करून दिला. क्लबच्या सचिव मार्लिन एलिशा यांनी आभार मानले. स्पर्धेचा सविस्तर निकाल मराठी मध्यम पहिली ते चौथी गट : वेदांत मोरे, पद्मभूषण बाळासाहेब भारदे हायस्कूल शेवगाव, सायली गिरी, ज्ञानसंपदा स्कूल, आरोही शिंदे, भारदे हायस्कूल, शेवगाव व हुमेजा शेख, भारदे हायस्कूल शेवगाव. पाचवी ते सातवी गट : सोहम वागस्कर, जेएसएस गुरुकुल, केडगाव, पृथ्वीराज पोटफोडे भारदे हायस्कूल, शेवगाव, श्रद्धा कोकाण- तिलक जैन विद्यालय, पाथर्डी व आयुष बेडेकर, रामकृष्ण इंग्लिश मीडियम स्कूल. आठवी ते दहावी गट : वरद लोखंडे, अशोकभाऊ फिरोदिया इंग्लिश स्कूल, प्रतिका डोंगरे, ज्ञानसंपदा स्कूल, वरद साखरे, भाऊसाहेब फिरोदिया हायस्कूल व नावीन्य वाघुले, महाराणी ताराबाई कन्या विद्यालय, केडगाव.