सवडदला माघी गणेशोत्सवाची आज धार्मिक कार्यक्रमांनी होणार सांगता, रेणुका जाधव यांचे काल्याचे कीर्तन, महाप्रसादाचे करणार वाटप

सवडद येथे माघी श्री गणेश जयंतीचे औचित्य साधून त्रिदिवसीय श्री गणेश संगीत कथासारचे आयोजन ३० जानेवारीपासून करण्यात आले होते. या धार्मिक सोहळ्याची सांगता १ फेब्रवारी रोजी रेणुकाताई जाधव यांच्या काल्याचे कीर्तनाने होणार आहे. दरम्यान या कार्यक्रमानंतर महाप्रसादाचे आयोजन करण्यात आले आहे. तर विविध सांस्कृतिक कार्यक्रमांचे आयोजन करण्यात आले आहे. अठरा महापुराणांत श्री गणेश पुराण हे एक महत्त्वाचे उपपुराण आहे. यातील सुरस कथांचे सार श्री गणेश कथा वाचक ह.भ.प. अशोक महाराज वायाळ यांनी या दरम्यान मांडले आहे. दररोज सकाळी ५ ते ६ काकडा भजन, ११ ते दुपारी २ व दुपारी ३ ते ५ श्री गणेश पुराण कथासार, सायंकाळी ६ वाजतास श्री हरिपाठ असा कार्यक्रम दररोज सुरु होता. सांस्कृतिक कार्यक्रमात ता. ३० जानेवारी रोजी रात्री ८ ते ११ गुरूदेव सेवा भजनी मंडळ, पातुर्डा जिल्हा अकोला यांचे गीत गायन पार पडले, ३१ जानेवारी रोजी रात्री ८.३० ते ११.३० हास्यसम्राट ह.भ.प. गोविंद महाराज गायकवाड (आळंदी देवाची) यांचे भारूड संपन्न झाले. १ फेब्रुवारी रोजी सकाळी ९ ते १९ महिला किर्तनकार ह.भ.प. रेणूकाताई जाधव (चिखली) यांचे काल्याचे किर्तन व सकाळी ११.३० वाजता महाप्रसादाचे वाटप होईल. रात्री ८ ते १२ शाहीर देवानंद वानखेडे व शाहीर अशोक गवई यांचा शाहिरीची रात्र हा कार्यक्रम होणार आहे. सवडद येथील सिध्दीविनायक संस्थान याठिकाणी होणाऱ्या या सोहळ्याचा लाभ घ्यावा, असे आवाहन भोजराज गाडेकर यांनी केले आहे. १२ डिसेंबर २०१२ ला उभारले मंदीर सवडद येथे ग्रामस्थांनी वाढते तंटे बघता १२ डिसेंबर २०१२ रोजी गणरायाचे प्रशस्त मंदिर उभारले आहे. या परिसरात उकीरडा होता. झाडा झुडपात कचरा टाकला जायचा कालांतराने येथे वटवृक्ष असल्याने येथे एक चौथरा उभारण्यात आला. दरम्यान गावात गणेशोत्सव होत असल्याने येथे छत्रपती गणेश मंडळाच्या वतीने गणेश स्थापना केली जायची. याच चौथऱ्यावर छोटेखानी मंदिर उभारण्याचा निर्णय घेण्यात आला . दहा क्विं. पुरी, तीन क्विंटल वांग्याच्या भाजीचा महाप्रसाद शनिवारी १ फेब्रुवारी रोजी सिद्धीविनायक मंदिरावर दहा क्विंटल पुरी आणि तीन क्विंटल वांग्याच्या भाजीचा महाप्रसाद तयार करण्यात करण्यात येणार आहे.