सोमवती अमावस्येच्या दिवशी चुकूनही करू नका हे काम, अन्यथा पूर्वज होतील नाराज

हिंदू धर्मात सोमवती अमावस्येला खूप महत्त्व आहे. हा दिवस भगवान शिव आणि पूर्वजांना समर्पित आहे. या दिवशी पितरांना नैवेद्य दाखवला जातो आणि त्यांच्या आत्म्याच्या शांतीसाठी पिंडदान केले जाते. या दिवशी पितरांना नैवेद्य दाखवून प्रसन्न केले जाते. असे मानले जाते की यामुळे पूर्वजांना मोक्ष मिळतो आणि ते त्यांच्या वंशजांना आशीर्वाद देतात. सोमवार हा महादेवाला समर्पित दिवस आहे. या दिवशी महादेवाची उपासना केल्याने मनाला शांती मिळते, जीवनात सुख-समृद्धी येते. सोमवती अमावस्येला दान केल्याने आणि पूजा केल्याने पापांचा नाश होतो तसेच सर्व मनोकामना पूर्ण होतात. पंचांगानुसार सोमवती अमावस्या 30 डिसेंबर 2024 रोजी पहाटे 04:01 मिनिटांनी सुरू होईल आणि दुसऱ्या दिवशी 21 डिसेंबर 2024 रोजी पहाटे 3:56 वाजता समाप्त होईल. 30 डिसेंबरला अमावस्या असणार आहे.

सोमवती अमावस्येला करू नका ही कामे

• सोमवती अमावस्येच्या दिवशी पितरांच्या आत्म्याच्या शांतीसाठी पूजा आणि पिंडदान केले जाते. म्हणूनच या दिवशी पितरांबद्दल वाईट बोलू नये आणि त्यांना तर्पण द्यायला विसरू नये.
• सोमवती अमावस्येच्या दिवशी कुत्रे, गाय आणि कावळे यांना त्रास देऊ नये. या दिवशी या प्राण्यांना त्यांच्या पूर्वजांचा भाग म्हणून त्यांना अन्न दिले जाते. म्हणूनच त्यांना इजा करू नये.
• अमावस्येच्या दिवशी पिंडदान, तर्पण आणि श्राद्धासाठी पूर्वज वाट पाहत असतात. म्हणूनच या दिवशी सर्व गोष्टी करायला विसरू नये. या गोष्टी करायला विसरले तर पूर्वज रागवतात आणि शाप देतात.
• सोमावती अमावस्येच्या दिवशी केलेल्या पूजेचे शुभ फळ प्राप्त करण्यासाठी दिवसभर ब्रह्मचर्य पाळावे नाहीतर. पूजेचे पूर्ण फल प्राप्त होत नाही.
• सोमवती अमावस्येच्या दिवशी तामसिक वस्तूंना हात लावू नये. चुकूनही मांस आणि मद्य सेवन करू नये. तरच या दिवशी केलेल्या पूजेचे चांगले फळ मिळते.
• सोमवती अमावस्येच्या दिवशी घराच्या स्वच्छतेकडे विशेष लक्ष दिले पाहिजे. घरात किंवा आजूबाजूला घाण पसरवू नये. तरच पूजा शुभ होते.
• सोमवती अमावस्येच्या दिवशी कुणाशीही भांडण करू नये, तसेच शिवीगाळ आणि अपशब्द देखील कोणाला बोलू नये.

सोमवती अमावस्या विशेष का मानली जाते?

शनी आणि कालसर्प दोषापासून मुक्ती मिळवण्यासाठी सोमवती अमावस्येचा दिवस विशेष आहे. शनि देवाच्या साडे सातीचे दुष्परिणाम टाळण्यासाठी सोमवती अमावस्येच्या दिवशी शनि देवाला मोहरीचे तेल अर्पण करावे. या दिवशी वैवाहिक जीवनासाठी पती-पत्नी दोघांनी मिळून पिंपळाच्या झाडाला पाणी अर्पण करावे. तसेच ‘ओम पितृभ्यै नमः’ या मंत्राचा किमान 108 वेळा जप करा. असे मानले जाते की यामुळे पूर्वजांचा आशीर्वाद मिळतो आणि पती-पत्नीमध्ये समन्वय साधला जातो.

हे सुद्धा वाचा

(टीप : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)