تھانے میں جمہوری شعور اجاگر کرنے کے لیے اجتماعی حلف برداری کی تقریبات کا انعقاد طلباء و نوجوانان کی شرکت، افسران کی متحرک قیادت

تھانے میں جمہوری شعور اجاگر کرنے کے لیے اجتماعی حلف برداری کی تقریبات کا انعقاد
طلباء و نوجوانان کی شرکت، افسران کی متحرک قیادت
تھانے (آفتاب شیخ)
الیکشن کمیشن آف انڈیا کی جانب سے آئندہ اسمبلی انتخابات 2024 کے لیے عوامی شعور اجاگر کرنے اور زیادہ سے زیادہ ووٹنگ کی حوصلہ افزائی کرنے کے مقصد سے تھانے میں مختلف سرکاری دفاتر اور اداروں میں اجتماعی حلف برداری کی تقریبات کا انعقاد کیا گیا۔ ان تقریبات کا مقصد شہریوں کو جمہوری عمل میں شمولیت کی اہمیت سے روشناس کرانا اور انہیں ووٹنگ کے قومی فریضہ کی جانب راغب کرنا تھا۔
ڈسٹرکٹ کلیکٹر آفس میں منعقدہ تقریب صبح 11 بجے شروع ہوئی، جس میں تھانے کے ڈسٹرکٹ الیکشن آفیسر اشوک شنگارے نے قیادت کی۔ اس موقع پر افسران، ملازمین، اور طلبہ کی بڑی تعداد موجود تھی۔ اشوک شنگارے نے اجتماعی حلف دلواتے ہوئے کہا "ہم، بھارت کے شہری، جمہوریت کے اصولوں کے تحفظ کا عزم کرتے ہیں اور وعدہ کرتے ہیں کہ بغیر کسی خوف یا لالچ کے، غیرجانبدارانہ اور آزادانہ طور پر اپنے ووٹ کے حق کا استعمال کریں گے۔"
ضلع کونسل کے آفس میں چیف ایگزیکٹو آفیسر روہن گھوگے کی قیادت میں اجتماعی حلف برداری کی تقریب منعقد ہوئی۔ اس تقریب میں مختلف محکموں کے افسران اور ملازمین نے شرکت کی۔ روہن گھوگے نے اپنے خطاب میں کہا کہ جمہوریت کو مضبوط بنانے کے لیے ہر شہری کا ووٹ ڈالنا ضروری ہے۔ انہوں نے مزید کہا کہ عوام کو نہ صرف خود ووٹ ڈالنا چاہیے بلکہ دوسروں کو بھی اس اہم ذمہ داری کی جانب راغب کرنا چاہیے۔
تھانے میونسپل کارپوریشن میں منعقدہ تقریب میں میونسپل کمشنر سوربھ راو نے عوامی شعور اجاگر کرنے کی مہم کے تحت ملازمین اور شہریوں کو ووٹنگ کا عزم دلایا۔ کمشنر نے کہا: "ہر شہری کو چاہیے کہ وہ آزادانہ طور پر اپنے ووٹ کے حق کا استعمال کرے اور اس قومی فریضے میں شمولیت اختیار کرے۔"
اس موقع پر ‘میں ووٹ ڈالوں گا’ کے عنوان سے ایک دستخطی مہم کا آغاز بھی کیا گیا۔ کمشنر سوربھ راو اور دیگر افسران نے مہم کے فلیکس پر دستخط کیے اور عوام سے بھی اس مہم میں شمولیت کی اپیل کی۔
تمام تقریبات میں جمہوری عمل کی اہمیت اور ووٹ ڈالنے کے فوائد پر روشنی ڈالی گئی۔ عوامی شعور اجاگر کرنے کا منفرد اقدام کیے جانے پر زور دیا گیا۔
ڈسٹرکٹ کلیکٹر آفس اور دیگر مقامات پر طلبہ اور نوجوانوں کی بڑی تعداد نے شرکت کی اور جمہوری عمل میں شمولیت کا عزم ظاہر کیا۔
ڈسٹرکٹ الیکشن آفیسر اشوک شنگارے، چیف ایگزیکٹو آفیسر روہن گھوگے، اور میونسپل کمشنر سوربھ راو نے اپنے خطابات کے ذریعے عوام کو جمہوریت کے تحفظ کا پیغام دیا۔
ان تقریبات نے تھانے کے شہریوں میں جمہوریت کے تحفظ اور ووٹ ڈالنے کے عمل میں شرکت کی اہمیت کو اجاگر کیا۔ یہ مہم آئندہ اسمبلی انتخابات میں ووٹنگ کے تناسب کو بڑھانے میں مددگار ثابت ہوگی۔ الیکشن کمیشن کے اس اقدام کو عوام کی بھرپور پذیرائی حاصل ہوئی۔