आई- वडील हीच खरी दैवते, त्यांचा मनापासून आदर करा‎:डॉ. मामासाहेब जगदाळे यांच्या 122 व्या जयंतीनिमित्त वसंत हंकारे यांचे हृदयस्पर्शी व्याख्यान‎

आईबाप हीच खरी दैवते आहेत. आई- वडिलांचा आदर करा. व्यसने करू नका. मोबाईल पासून दूर रहा. आपले ध्येय निश्चित करा. आई-वडिलांचा सांभाळ करा असे आवाहन सांगली येथील वक्ते प्रा. वसंत हंकारे यांनी केले. श्री. शिवाजी शिक्षण प्रसारक मंडळ बार्शी या संस्थेचे संस्थापक, संवर्धक व प्रेरणास्त्रोत कर्मवीर डॉ. मामासाहेब जगदाळे यांच्या १२२ व्या जयंतीनिमित्त शनिवारी प्रा. वसंत हंकारे यांचे "बाप समजून घेताना" या विषयावर प्रेरक व्याख्यान झाले. यावेळी व्यासपीठावर यशोदा शिक्षण प्रसारक मंडळाचे अध्यक्ष अरुण बारबोले, संस्थेचे अध्यक्ष डॉ. बी वाय यादव, जनरल सेक्रेटरी पी.टी. पाटील, सहसचिव ए.पी.देबडवार, खजिनदार जयकुमार शितोळे, डॉ. प्रकाश बुरगुटे उपस्थित होते. अध्यक्ष समारोपात डॉ बी वाय यादव यांनी कर्मवीर जयंती सोहळा विषयी माहिती विशद केली.संस्थेच्या वतीने सातत्याने विद्यार्थ्यांसाठी नाविन्यपूर्ण उपक्रमाचे आयोजन केले जाते. यातून विद्यार्थ्यांच्या व्यक्तिमत्त्वाची यावेळी वसंत हंकारे यांनी "बाप समजून घेताना" या विषयावर भावस्पर्शी व हृदयस्पर्शी असे प्रेरणादायी व्याख्यान दिले. ते म्हणाले मुलांच्या गरजेसाठी सर्वतोपरी मदत करणारा हा बापच असतो. आई-वडिलांच्या संस्काराचा अनादर करून त्यांच्या भावनांना ठेच पोहचू देऊ नका. क्षणिक सुखासाठी आई-वडिलांना विसरू नका. आई-वडिलांना चुकीचे बोलू नका. त्यांचा राग करू नका. त्यांनी भोगलेले दिवस लक्षात ठेवा. आई-वडिलांना अपमानित करू नका. आई-वडिलांचे कष्ट, जिद्द, चिकाटी लक्षात घ्या. स्वतःच्या सदवर्तनाने आई वडिलांच्या उपकाराची परतफेड करा.