भारतात कोणताही फोन नंबर +91 नेच का सुरु होतो? वाचा खास कारण

गेल्या काही दिवसांपासून सायबर गुन्ह्यांमध्ये सातत्याने वाढ होत आहे. सायबर गुन्ह्यांना आळा घालण्यासाठी सरकारने एक महत्त्वाचे पाऊल उचलले आहे. या पार्श्वभूमीवर दूरसंचार विभागाने सर्व ऑपरेटर्सना सायबर क्राईम जनजागृतीसह कॉलर ट्यून वाजवण्यास सांगितले आहे. यामुळे सतत ही ट्यून वाजत असल्याचे पाहायला मिळते.

1 / 8

सायबर फ्रॉड टाळण्यासाठी +77, +89, +85, +86, +84 या कोडवरुन जर कॉल आले तर सावध राहावे, असा सल्लाही अनेकदा दूरसंचार विभागाकडून दिला जातो. याद्वारे भारतीयांची फसवणूक होण्याची शक्यता असते.

2 / 8

पण तुम्ही कधी एक गोष्ट लक्षपूर्वक पाहिलीत का? भारतीय मोबाईल क्रमांक हे बहुतांश वेळा +91 या कोडने सुरु होतात. यामागे एक विशिष्ट कारण असते.

3 / 8

भारताला +91 हा कोड 1960 मध्ये मिळाला होता. आंतरराष्ट्रीय दूरसंचार संघाकडून भारताला हा कोड देण्यात आला होता. त्यानंतर जगभरात +91 या कोडवरुन फोन आल्यावर तो फोन भारतातून आला असे समजले जाते.

4 / 8

आंतरराष्ट्रीय दूरसंचार संघाकडून जगातील प्रत्येक देशाला काही कोड देण्यात आले आहे. इंटरनॅशनल टेलिकम्युनिकेशन युनियनने जगाची 9 झोनमध्ये विभागणी केली आहे.

5 / 8

यानुसार दक्षिण, मध्य, पश्चिम आणि मध्य पूर्व आशिया 9 व्या प्रदेशात मोडतात. या नवव्या झोनमधील सर्व देशांमधील सर्व कॉलिंग कोड हे +9 पासून सुरु होतात.

6 / 8

या नवव्या झोननुसार भारताला पहिला क्रमांक देण्यात आला. त्यामुळे +9 च्या पुढे 1 असा आकडा म्हणजेच +91 असा कोड लावण्यात आला. यानंतर पाकिस्तानचे +92 आणि अफगाणिस्तानचे +93 असे कोड येतात.

7 / 8

आंतरराष्ट्रीय दूरसंचार संघ कोणत्याही देशाला हा कोड जारी करण्यापूर्वी देशाची लोकसंख्या, संघ आणि इतर अनेक घटक पाहते. त्यानंतरच हे कोड दिले जातात.

8 / 8