मंगळवेढ्यात अथर्वशीर्ष पठन,‎धर्मध्वज स्थापनेने गणेश जयंती:श्री रिद्धी सिद्धी महागणपती मंदिर संस्थानचा प्रथम वर्धापन‎

श्री रिद्धी सिद्धी महागणपती मंदिराच्या प्रथम वर्धापन दिनानिमित्त शुक्रवार ,शनिवार गणेश जयंती निमित्त विविध धार्मिक कार्यक्रम घेण्यात आले, शनिवारी गणेश जयंती निमित्त दिवसभर हजारो भक्तानी रांग लावून दर्शन घेतले. शुक्रवारी ०७ ते १ श्री गणेश जयंतीच्या पूर्व पूर्वसंध्येला " देवा श्री गणेशा" गणेशावर आधारित बहारदार गीतांचा कार्यक्रम संपन्न झाला,शनिवार दि.०१ फेब्रुवारी २०२५ सकाळी ६ ते ७ श्री रिद्धी सिद्धी महागणपतीस महाअभिषेक व आरती मंदिराचे विश्वस्त अशोक भगवान कोळी सौ.लता अशोक कोळी यांच्या हस्ते करण्यात आली.शनिवारी सकाळी १० ते ०१ श्री.लक्ष्मी नरसिंह वेद पाठशाळा निरा नरसिंहपुर चे अभिजीत देशपांडे (गुरुजी) व शिष्यगण यांच्या मंत्रपठनाने "श्री गणेश याग" सौ विना आकाश जयस्वाल (कोळी) व श्री आकाश जयस्वाल यांच्या हस्ते करण्यात आला, सायं ५ ते ६:३० दिंडोरी प्रणीत श्री. स्वामी समर्थ केंद्र-उजनी वसाहत मंगळवेढा यांच्या वतीने "श्री गणेश अथर्वशिर्ष पठण" चे वाचन करण्यात आले , सायंकाळी ६ ते ७ "श्री गणेश वंदना "भक्ती गीतांचा कार्यक्रम सादर करण्यात आला,सायंकाळी ७ ते ९"स्वर रंजनी "श्री गणेश भक्ती गीतांचा कार्यक्रम,स्वरध्यास संगीत विद्यालय सोलापूर च्या कु.रसिका कुलकर्णी व कु. सानिका कुलकर्णी यांनी सादर केला, त्यांना अक्षय भंडगे आणि यश जवळकर यांची तबला साथ लाभली. वांडवामी वेणू,तुझं मागतो मी आता, तू मायेचे सागर ,रखुमाई रखुमाई, मोरया गणपती बाप्पा मोरया, महाभारत चे शिर्षक गीत,अवघे गर्जे पंढरपूर, आभिर गुलाल उधळीत रंग,नाथा घरी नाचे माझा सखा पांडुरंग, कानडा राजा पंढरीचा हा अभंग सादर करून गणेश भक्तांची मने जिंकली. कार्यक्रमाचे सूत्रसंचालन मार्तंड कुलकर्णी, मनीषा महालकारी यांनी केले. विद्या माने यांच्या हस्ते गायक भगिनींचा सन्मान करण्यात आला. .रविवार दि.२ फेब्रुवारी २०२५ रोजी मंदिराच्या शिखरावर नवीन धर्मध्वज स्थापना, तसेच श्री रिद्धी सिद्धी महागणपती मंदिरातील मुख्य देवता व उपदेवतांच्या मंदिरावर धर्मध्वज स्थापना श्री गणेश भक्तांच्या कडून करण्यात येणार आहे, .रविवारी सायंकाळी ६ ते ८" कीर्तनाच्या रंगी रंगू" हा कार्यक्रम आयोजित करण्यात आला आहे,गायनाचार्य ह.भ.प.कु. ज्ञानेश्वरी (ताई) घाडगे महाराज ,मृदुंगाचार्य तुकाराम (महाराज) डोंगरे सादर करणार आहेत,त्यांना रामदास रोंगे, उमा शिदवाडकर, कु. सिद्धी घाडगे संगीत अलंकाराची साथ असणार आहे,सर्व श्री रिद्धी सिद्धी महागणपती मंदिरात होईल.