रानडुकराच्या फाशात अडकला बिबट्या:बिबट्याला जेरबंद करताना एक जण जखमी

रानडुकराच्या फाशात पाय अडकलेल्या बिबट्याला वनविभागाकडून जेरबंद केल्याची घटना शनिवारी बाळापूर तालुक्यातील हिंगणा शेळद शेत शिवारात घडली. या संदर्भात मिळालेल्या माहितीनुसार बाळापूर येथील शेतकरी सुभाष धनोकार यांच्या हिंगणा शेळद शेत शिवारातील शेतात, १ फेब्रुवारीला सकाळी ६ वाजताच्या सुमारास बिबट्याचा पाय रानडुकराच्या फाशात अडकल्याने बिबट्या एकाच जागेवर घुटमळत होता. ही घटना काही शेतकऱ्यांच्या निदर्शनास आली. याची माहिती परिसरात पसरताच नागरिकांची मोठी गर्दी बिबट्या पाहण्यासाठी उसळली. वनविभागाकडे माहिती दिली असता उपवनसंरक्षक डॉ. कुमार स्वामी यांच्या मार्गदर्शनात आरएफओ विश्वास थोरात व आरएफओ डांगे यांच्या सूचनेनुसार वनपाल गजानन गायकवाड, वनरक्षक संघपाल तायडे , मानद वन्यजीव रक्षक बाळ काळणे, वनरक्षक मुंडे, अनिल चौधरी, सोपान, अक्षय खंडारे, चालक आलासिह राठोड, चालक यशपाल इंगोले, देवेंद्र तेलकर प्रदीप खडे, रिजवान अर्जुना हे घटना स्थळी पोहोचले. त्यांनी प्रथम जाळी टाकून बिबट्याला पकडण्याचा प्रयत्न केला. सर्वांनी जाळीला दाबून ठेवले. मात्र जागा चढउताराची असल्यामुळे कठिण झाले. उर्वरित. पान ४