रेल्वेचं ‘हे’ अ‍ॅप करणार ऑल-इन-वन काम, कोट्यवधी प्रवाशांना होणार फायदा

रेल्वेने प्रवास करत असाल तर तुम्हाला भारतीय रेल्वेचे नवे सुपर अ‍ॅप SwaRail खूप आवडेल. रेल्वेचे तिकीट बुक करण्यापासून ते जेवण मागवण्यापर्यंत प्रवाशांना वेगवेगळ्या सेवांसाठी फोनवर वेगवेगळे अ‍ॅप्स डाऊनलोड करावे लागतात, मात्र आता सरकारने लोकांची ही अडचण दूर केली आहे. भारतीय रेल्वेचे हे सुपर अ‍ॅप ‘क्रिस’ने (सेंटर फॉर रेल्वे इन्फॉर्मेशन सिस्टीम) विकसित केले आहे.

SwaRail अ‍ॅप फीचर्स कोणते?

भारतीय रेल्वेच्या या सुपर अ‍ॅपच्या लाँचिंगमुळे फायदा असा होणार आहे की, आता तुम्हाला वेगवेगळ्या सेवांसाठी वेगवेगळ्या अ‍ॅप्सचा सामना करावा लागणार नाही. या SwaRail अ‍ॅपच्या मदतीने तुम्ही रेल्वे तिकीट बुकिंग म्हणजेच आरक्षण, अनारक्षित तिकीट बुकिंग, पार्सल सेवेची माहिती, प्लॅटफॉर्म तिकीट, ट्रेन धावण्याची स्थिती, रेल्वे चे वेळापत्रक, पीएनआर स्टेटस, ट्रेनमधील फूड ऑर्डर आणि तक्रारी अशा सर्व सेवांचा लाभ या एका अ‍ॅपच्या माध्यमातून घेऊ शकाल.

SwaRail अ‍ॅप कसे वापरावे?

सध्या हे अ‍ॅप बीटा टेस्टिंगच्या टप्प्यात असून लवकरच हे अ‍ॅप लोकांसाठी उपलब्ध करून देण्यात येणार आहे. गुगल प्ले स्टोअर आणि अ‍ॅपल अ‍ॅप स्टोअरवरून हे अ‍ॅप डाऊनलोड करता येणार आहे. अ‍ॅप डाऊनलोड केल्यानंतर तुम्ही नवीन युजर किंवा विद्यमान रेल कनेक्ट किंवा यूटीएस मोबाइलचा आयडी डिटेल्स टाकून साइन इन करू शकता.

हे सुद्धा वाचा

हे लक्षात घेण्यासारखे आहे की बीटा चाचणीसाठी स्लॉट सध्या भरलेले आहेत. या अ‍ॅपचे स्टेबल व्हर्जन कधीपर्यंत लाँच केले जाईल याबाबत कोणतीही अधिकृत माहिती देण्यात आलेली नाही. हे सुपर अ‍ॅप आणण्यामागे सरकारचा एकच हेतू आहे की, या सेवांसाठी युजर्सना एका अ‍ॅपमधून दुसऱ्या अ‍ॅपवर भटकंती करावी लागू नये.

रेल्वेचे हे सुपर अ‍ॅप सध्या विविध अ‍ॅप्सवरून उपलब्ध असलेल्या सर्व सेवा देण्याचे काम करेल. याच्या मदतीने तुम्ही आरक्षण आणि अनारक्षित तिकिटे बुक करू शकाल. मात्र, या अ‍ॅपनंतर IRCTC अ‍ॅप बंद होणार आहे किंवा ते सुरूच राहणार आहे, याबाबत अद्याप कोणतीही अधिकृत माहिती समोर आलेली नाही.

‘या’ सुविधा मिळणार

आरक्षण तिकिट बुकिंग

अनारक्षित तिकिटे

प्लॅटफॉर्म तिकीट

पार्सल बुकिंग

PNR माहिती

अन्न ऑर्डर आणि तक्रारी इ.

अ‍ॅप कसे डाऊनलोड करू शकतो?

तुम्हीही रेल्वेचा हा सुपर अ‍ॅप डाऊनलोड करण्याचा विचार करत असाल तर आम्ही तुम्हाला सांगतो की सध्या याची बीटा टेस्टिंग सुरू आहे. मिळालेल्या माहितीनुसार, अँड्रॉईड आणि अ‍ॅप स्टोअरवरील बीटा टेस्टिंग स्लॉट फुल्ल झाले आहेत. मात्र हे स्टेबल व्हर्जनमध्ये किती दिवस लॉन्च केले जाईल, याबाबत कोणतीही अधिकृत माहिती देण्यात आलेली नाही.