वाल्मीक कराडने मला जिल्हाधिकाऱ्यांच्या कक्षात मला मारहाण केली:वाढीव पोटगी अन् हिंसाचाराच्या मुद्द्यावरुन हायकोर्टात जाणार- करुणा मुंडे

मी धनंजय मुंडे यांची पहिली पत्नी म्हणून कोर्टाने मान्यता देत मला पोटगी दिली आहे. करुणा धनंजय मुंडे नावासाठी मी मोठी किंमत चुकवली आहे, यापुढे मला करुणा शर्मा नाही तर करुणा धनंजय मुंडे म्हणावे असे त्यांनी या निकालानंतर बोलताना म्हटले आहे. करुणा मुंडे म्हणाल्या की, गेली 3 वर्षे मी ह्या प्रकरणात लढत आहेत. यात मला खूप त्रास झाला. पण माझा न्यायव्यवस्थेवर विश्वास होता, मी कोर्टाचे, न्यायाधीश आणि एक रुपया न घेता माझ्या बाजू मांडणाऱ्या माझ्या वकीलांचे आभार मानते. करुणा मुंडे म्हणाल्या की, मला जी पोटगीची रक्कम मिळणार आहे ती तुटपुंजी आहे. माझ्या घराचे 1 लाख 70 हजार रुपये हप्ता आहे. 30 हजार रुपये मेंटेनेंस खर्च आहे. धनंजय मुंडे यांच्याकडे काम करणाऱ्या व्यक्तीकडे हजारो कोटींची संपत्ती आहे. पण आमच्या नावावर काहीच नाही. माझा मुलगा 21 वर्षांचा असून तो घरात बेरोजगार बसला आहे. आम्हाला महिन्याला कमीत कमी खर्च 15 लाख रुपये हवे आहेत. त्यासाठी मी हायकोर्टात जाणार आहे. करुणा मुंडे म्हणाल्या की, वाल्मीक कराड यांने मला जिल्हाधिकाऱ्यांच्या कक्षात मला मारहाण केली, असा गंभीर आरोप यावेळी त्यांनी केला आहे. तर माझी गाडीही फोडली. यांच्याकडून मला खूप त्रास देण्यात आला. माझ्या बहिणीवर अत्याचार करण्यात आला. हे सर्व प्रकार आम्ही कोर्टात मांडले. दोन लाख रुपयांच्या पोटगीवर आम्ही समाधानी नाही. या प्रकरणात माझ्या आईच्या जीव गेला आहे. तिने आत्महत्या केली होती. करुणा मुंडे म्हणाल्या की, कोर्टात हे प्रकरण सुरू होते तेव्हा अनेकदा माझी आणि धनंजय मुंडेंची भेट झाली त्यांनी मला हे प्रकरण मिटवून घ्यावे असे अनेकदा सांगितले. कारण यात माझ्या मुलाचे आणि मुलीचे शिक्षण बंद आहे. माझ्या मुलांना खूप त्रास होत आहे. माझ्या मनात अनेकदा विचार येतो की, आत्महत्या करावी पण माझ्या आईने आत्महत्या केल्यांतर मला किती त्रास झाला ही मला लक्षात येते. जर माझी आई असती तर देवेंद्र फडणवीस, अजित पवार यांचा जरी धनंजय मुंडे यांना पाठिंबा असता तर मला रोडवर सोडू शकले नसते.