हिंदू राष्ट्राच्या प्रगतीसाठी प्रत्येकाने सहकार्य करा:सटाणा येथे जानकीनाथ प्रभूजी यांचे प्रतिपादन

धार्मिक सत्संगाचा अवलंब करून आनंदमय जीवन जगत असताना सनातन हिंदू राष्ट्राच्या प्रगतीसाठी प्रत्येकाने कार्य करावे, असे आवाहन इस्कॉन मंदिराचे प्रचारक जानकीनाथ प्रभूजी यांनी केले. सटाणा येथील परशुरामनगर गणेश परिसरात ‘आनंद की खोज’ या विषयावर प्रवचनात प्रभूजी बोलत होते. जसे मुस्लिम कुराण व ख्रिश्चन बायबल वाचतो, त्यानुसार जीवन जगत असतो. त्याप्रमाणे हिंदू समाजाने भगवद‌्गीता, रामायणाचे पठण करावे. हिंदू धर्म एकतेची मशाल कायम ठेवावी, असे आवाहन केले. एकत्र कुटुंब पद्धत, शुद्ध शाकाहार, गोपालन, पर्यावरणरक्षण, योगा, प्राणायाम करत भगवंताला भोग लावून नित्यकर्म सेवा कशी करावी याबाबत प्रभूजींनी माहिती दिली. यावेळी द्वारकाधीशचे अध्यक्ष शंकरराव सावंत यांनी मनोगत व्यक्त केले. याप्रसंगी कैलास सावंत, अरुण भामरे, महादू बिरारी, अशोक भामरे, रामदास काकुळते उपस्थित होते.