आलिशान कारनंतर आता श्रद्धा कपूरने खरेदी केलं लक्झरी अपार्टमेंट; किंमत ऐकून धक्का बसेल

2024 मध्ये अभिनेत्री श्रद्धा कपूरच्या स्त्री 2 चित्रपटाला प्रेक्षकांनी भरभरून प्रेम दिलं आहे . या चित्रपटाने बॉक्स ऑफिसवर चांगला व्यवसाय केला. श्रद्धा तिच्या अभिनयासोबतच तिच्या खासगी आयुष्याबद्दलही तेवढीच चर्चेत असते. मध्यंतरी श्रद्धाने आलिशान कार खरेदी केली होती आता तिने लक्झरी अपार्टमेंट खरेदी केल्याचं समोर आलं आहे. या घरासाठी तिने खूप पैसा खर्च केल्याचं म्हटलं जातं आहे.

वडिलांसोबत श्रद्धा कपूरने घेतलं करोडोंचं घर

श्रद्धा कपूरने तिचे वडील शक्ती कपूर यांच्यासोबत हे नवीन घर घेतले आहे. श्रद्धाचे हे नवीन घर मुंबईत आहे. 13 जानेवारी 2025 रोजी घर खरेदीची प्रक्रिया पूर्ण झाली. ही मालमत्ता खरेदी केल्यानंतर श्रद्धा या घरात शिफ्ट होण्याची शक्यता वर्तवली जात आहे.

एका रिपोर्टनुसार, श्रद्धाचे नवीन अपार्टमेंट मुंबईतील जुहू येथील सर्वात उच्च श्रेणीतील पीरामल महालक्ष्मी साऊथ टॉवरमध्ये आहे. हे कॉम्प्लेक्स रेस कोर्स आणि अरबी समुद्राच्या अद्भुत दृश्यासाठी ओळखले जाते. लक्झरी अपार्टमेंट खरेदी करणाऱ्यांसाठी ही इमारत पहिली पसंती आहे.

किती कोटींचे घर घेतले?

पीरामल महालक्ष्मी साउथ टॉवर बिल्डिंगमध्ये 2BHK आणि 3BHK फ्लॅट आहेत, जे उच्चभ्रू वर्गातील ग्राहकांना लक्षात घेऊन बांधले गेले आहेत. रिअल इस्टेट कंपनी जैपकीद्वारा ऍक्सेस केलेल्या कागदपत्रांनुसार, अभिनेत्रीचे नवीन घर 1042.73 स्क्वेअर फूट कार्पेट एरियामध्ये पसरले आहे, ज्यामध्ये दोन मोठ्या बाल्कनी आहेत. या अपार्टमेंटमध्ये प्रति चौरस फूट किंमत 59,875 रुपये आहे. यासाठी श्रद्धा कपूरने 6.24 कोटी रुपये मोजले आहेत.

श्रद्धा कपूरने आधीच भाड्याने एक अपार्टमेंट घेतले आहे

मात्र, श्रद्धा कपूरची रिअल इस्टेटमधील आवड नवीन नाही. यापूर्वी त्यांनी एक आलिशान अपार्टमेंट भाड्याने घेतले होते. वृत्तानुसार, 3,928.86 स्क्वेअर फूटमध्ये पसरलेले अपार्टमेंट एका वर्षासाठी लीजवर घेण्यात आले होते. यासाठी श्रद्धाने 72 लाख रुपये आगाऊ दिले होते. अभिनेत्रीच्या या फ्लॅटसोबत चार कार पार्किंग एरियाचाही समावेश करण्यात आला आहे. या घरासाठी त्यांनी 36 हजार रुपये स्टॅम्प ड्यूटी आणि 1000 रुपये नोंदणी शुल्क भरले होते.

श्रद्धा कपूरच्या कामाबद्दल

श्रद्धा कपूरच्या चित्रपटांबद्दल बोलायचं झाले तर, अभिनेत्रीसाठी 2024 हे वर्ष खूप चांगले होते. तिचा ‘स्त्री 2’ने बॉक्स ऑफिसवर बंपर कमाई केली. भलेही या अभिनेत्रीच्या नावावर फारसे चित्रपट नसले तरी लोकांच्या मनावर राज्य कसे करायचे हे तिला चांगलेच ठाऊक आहे. आलिशान अपार्टमेंट, कार आणि सर्वोत्तम चित्रपटांसोबतच श्रद्धाचा बॉलिवूड आणि रिअल इस्टेटमधील प्रवासही अप्रतिम आहे.