ब्रेकिंग| छत्रपती संभाजीनगरमध्ये बॉयलर कोसळून २ कामगारांचा मृत्यू

छत्रपती संभाजीनगर : पुढारी वृत्तसेवा : मका साठवणूक करणारे बॉयलर कोसळल्याने दोन कामगारांचा ढिगाऱ्याखाली दबून मृत्यू झाला. इतर कामगारांचा शोध कार्य सुरू आहे. ही घटना शेंद्रा एमआयडीसीत आज (दि.१५) दुपारी अडीचच्या सुमारास घडली. रेडिको एनव्ही डिलिव्हरी या कंपनीचे मका साठवणूक करणारे हे बॉयलर होते. किसन सर्जेराव हिरडे (वय 45, रा. गोपाळपूर, नारेगाव), दत्तात्रेय लक्ष्मण बोदरे (वय 35, रा. कुंबेफळ) अशी मृत कामगारांची नावे आहेत.